![WEBSITE-18-×-10-in-49.jpg](https://i0.wp.com/rmn.ph/wp-content/uploads/2023/06/WEBSITE-18-×-10-in-49.jpg?resize=696%2C387&ssl=1)
Davao City – Daghang motorista ug mga indibidwal ang na-stranded tungod sa baha sa national highway sa Barangay Tuban, Sta. Cruz Davao Del Sur kagahapon sa hapon, Hunyo 19, 2023.
Lakip sa natanggong mao si Analyn Pilapil diin naabtan na kini og gutom sa dalan tungod sa sitwasyon.
Nasayrang miawas ang tubig sa sapa ngadto sa karsada rason nga wala makaagi ang mga sakyanan tungod usab sa kasulog sa tubig.
Sa interbyu sa DXDC RMN Davao sa Office of the Civil Defense (OCD)-XI, gi-report sa Barangay Tuban, Sta. Cruz nga as of 7:21 kagabii, passable na ang dalan.
Matud sa OCD-XI, lakip usab ang munisipalidad sa Sulop ang gibaha, diin sa pagkakaron gina-assess pa kung pila ka mga pamilya ang naapektuhan sa baha sa maong mga lugar ug kung adunay bay mga indibidwal ang naapektuhan.
RadyoMaN Kirby Manzon
Facebook Comments