Sayong naghalad ug mga pag-ampo ug sakripisyo ang mga kaigsoonang Muslim sa Sugbu karong adlawa atol sa pagsaulog sa Eid`l Adha o Feast of Sacrifice.
Sa Al- Khariah Mosque sa Barangay Mambaling , ang mga muslims nag-ampo nga mapatunhay kanunay ang kahusay ug kalinaw dili lang sa Sugbu , kundili apil na lukop nasud ug sa tibook kalibutan .
Si Imam Mohamad Helmie Abemor sa Al-Khariah Masjid nibutyag nga giapil usab nila sa pag-ampo nga unta mahunong na ang mga insidente sa patay sa Sugbu ug maresolbar sa kapolisan ang mga insidente aron matagaan ug hustisya ang mga biktima .
Human sa ilang pag-ampo nag-ihaw sila ug tulo ka baka isip halad ug sakripisyo ug pagkahuman ilang gipaambit ngadto sa ubang muslim community sa dakbayan sa Sugbu.
Ang mga baka gidonar sa ilang mga igsoong Muslim sa Malaysia.
Holiday karong adlawa tibouk nasud tungod sa Eid`l Adha nga tayming usab sa Ninoy Aquino Day.
