Isarado sa Task Force Bangon Marawi o TFBM, sugod alas-10:30 sa buntag hangtud sa alas-12:00 sa udto ang Mapandi Bridge sa Barangay Papandayan hangtud pasulod ngadto sa most affected area sa Marawi City.
Kini aron ma-secure ang maong mga dapit gikan sa mga sibilyan ug mga motorista alang sa ipahigayong disposal ug detonation sa mga bomba nga naukayan ug nakuha sulod sa most MAA, sa nagpadayon nga clearing operation ug demolition sa mga istraktura nga dili na magamit pa.
Kabahin kini sa rehabilitation and rebuilding program sa Marawi human maguba ang 250 thousand hectare nga 24 ka mga barangay tungod sa giyera batok sa mga terorista niadtong 2017.
Matud pa ni LtC. Elmer Oamil, commander sa 553 Engineer Battalion, Philippine Army ug deputy commander sa Joint Task Group Builder, ang mga pabuthong bomba gilangkuban sa usa ka 260-pound ug usa ka 110-pound nga general purpose bomb nga wala makabuto human kini gihulog sa attack Air Force plane niadtong panahon sa giyera.
Gawas sa duha ka mga unexploded ordnance, lakip nga pabuthon ang 40mm cartridge, mortar 81mm ug projectile 105mm nga mga high explosives nga nakalutan usab ilawom sa nga building sulod sa MAA.
Ibutang ang maong mga bomba sa usa ka kinalutan kung asa nakit-an ang 260-pounder sa Barangay Moncado sa sector 2.
Tungod niini, gipahimangnoan sa TFBM ang mga residente sa siyudad sa ilang madungog nga kusog nga pagbusikad apan himoon nila ang disposal ug detonation nga luwas ug walay masakitan.
