Nakab-ot na sa dakbayan sa Malaybalay ang kapin 100k ka mga indibidwal sa target nga populasyon ang nabakunahan.
Kini basi sa taho sa City Health Office sa dakbayan sa Malaybalay kutob adtong adlawng Biyernes.
Miabot na sa kinatibuk-ang 114, 119 ka mga indibidwal ang nabakunahan diin 73, 473 ang nakadawat sa first dose samtang 40, 726 ang sa second dose.
Sa susamang adlaw usab, nakapamakuna ang dakbayan og kinadaghanang 2323 ka mga vaccine jabs ngadto sa katawhan.
Samtang, usa nalang ang nagpabilin quarantine facility nga nagpositibo sa Covid-19.
Gikalipay og dako ni Mayor Florencio T. Flores Jr. ang maong kalampusan sa dakbayan diin gipanghingusgan ngadto sa katawhan ang importansya sa pagmakuna ilabi na nga abli ngadto sa tanan gikan edad 12 anyos pataas ang pwede nga magpabakuna sa dakbayan sa Malaybalay.
Gihangyo usab ni Mayor Flores ang katawhan nga magpabilin gihapon nga magmabinantayon sa sakit nga Covid-19 ug magsunod sa mga sumbanan nga gitalaga sa gobyerno.
