Pormal na karon nag atubang ug kaso si Marcial Candilasa Reganion human kini gisilbihan ug search warrant sa iyang panimalay ug nakuhaan ug mga armas.
Kahibaloan nga naghimo ug hini-usang operasyon ang Detectives sa CIDG- Zamboanga del norte ug ang personahe sa Roxas MPS human kini nalutsan ug search warrant gikan sa lamesa ni Presiding Judge Jose Rene G. Dondoyano tungod sa paglapas sa R.A 10591.
Didto kini gisilbi sa Purok 3, Barangay Minang ug Purok 4, Barangay Nabilid sakop kini tanan sa lungsod sa Roxas sa panimalay ni Reganion.
Nakuha sulodsa iyang balay ang tulo ka homemade 12-gauge shotgun walay serial number, tulo ka calibre 38 usa adunay serial number samtang ang duha walay serial number.
Lain pang usa ka unit sa upper receiver sa calibre 30 garand riffle, usa ka unit sa magnum calibre 22 ug upat ka calibre 22 nga binuhat lang sa balay, upat ka calibre 38, duha ka homemade nga pistol nga single shot.
Nakumpiska usab ang usa ka Daishin Drill Press Electric Machine ug nagkadaiyang gamit para pang ayo ug para buhat sa armas.
Sa pagkakaron nag atubang na kini ug kasong paglapas sa R.A 10591 Comprehensive Firearms and Ammunition Regulation Act
