Mga nagkalamatay sa probinsya sang Capiz bangud sa COVID-19, naglab-ot na sa 48 ka mga persona!

Roxas City, Capiz – Naglab-ot na sa 48 ka mga persona ang nagkalamatay sa probinsya sang Capiz bangud sa COVID 19 virus.
Ini ang sandig sa datos nga ginpaguwa sang Capiz Provincial Health Office (PHO) kahapon nga adlaw sang Lunes, Nobyembre 16 kun sa diin sa amu nga numero, 33 sa mga ini ang naghalin sa Roxas City, may lima(5) ang napatay sa banwa sang Pontevedra, apat(4) sa banwa sang Pilar samtang may tig-isa nga pasyente nga napatay sa mga banwa sang Jamindan, Mambusao, Sigma, Cuartero, Dumarao kag Maayon.
Kahapon man nga adlaw, onse(11) ka mga new recoveries ang nalista sang PHO gani nga 33 na lamang ang aktibo nga kaso sang COVID-19 sa Capiz.
Sa subong nagapabilin sa gihapon sa 972 ang kabug-osan nga kaso sang COVID-19 infection sa probinsya kun sa diin 891 sa mga ini ang nakarekober na.
Ang Roxas City sa gihapon ang may yara sang pinakadamo nga kumpirmado nga kaso nga nagalab-ot sa 528.

Facebook Comments