Davao City – Gikinahalang ipailawom pa sa medical treatment ang mga nagpositibo human sa gihimong drug test.
Sumala ni Davao City Anti-Drug Abuse Council (CADAC) researcher Connie Domag, tungod kay usa kini ka chronic disease nga nagkinahanglan gayud sa medical treatment. Matud ni Domag nga mamahimo siyang matanggal sa trabaho sama sa tulo ka mga empleyado sa City Hall nga nagpositive tungod kay dunay mga palisya diha sa panarbaho nga nagtinguhang drug-free ang syudad sa Davao.
Samtang giangkon usab sa CADAC researcher, luyo sa hugot nga kampanya sa gobyerno batok droga anaa lang gihapon ang mga nalambigit niini tungod kay usa kini ka dakong problema nga kinahanglang magtinabangay aron masolusyonan.
Giingon pa ni Domag, usa sa ilang gihingusgan karon mao ang pagpahigayon og mga drug test sa matag kompaniya aron matabangan ang mga nagpositibo ug dili pasagdan aron dili sila mobalik.
RayoMaN Bernard Pantallon
