Samtang namung si PNP Chief Director- General Ronald Bato dela Rosa sa ika 116 nga Police Service Anniversary , nagtapok ug nagrally usab atubangan sa Police Regional Office-7 ang mga lumads nga naa sa Sugbu alang sa ilang upat ka adlaw nga Lakbayan ng Pambansang Minoriya 2017.
Gikan sa Fuente Osmena nagmartsa ang mga sakop sa militanteng grupo kauban ang mga representante sa Lumad communities paingon sa Camp Sergio Osmena Sr. ang headquarters sa PRO-7 aron magprotesta batok sa martial law ug nagpadayong extrajudicial killings .
Lakip sa ilang gipanawagan mao ang paghatag ug hustisya sa kamatayon sa 17 anyos nga estudyante nga si Kian Loyd De los Santos ug ubang giingong mga biktima sa EJK nga gihimo sa kapolisan .
Ilang giawhag si Dela Rosa nga mogawas sa PRO-7 ug moatubang usab kanila aron paminawon ang ilang mga yangongo .
Apan si Dela Rosa nagpadayon lang sa iyang kalihukan paghatag ug pasidungog sa kapolisan sa Central Visayas.
