Mga nahapangot it sapat, nagapangaywa sa top 10 leading causes it mga masakit

22

Kalibo, Aklan — Nagapangaywa makaron sa top 10 leading causes it mga masakit ro nahapangot it sapat kapareho ko ayam ag kuring. Suno kay Dr. Cornelio “Bong” Cuachon, Provincial Health Officer 1 nga rong nagapanguna kara hay ro Respiratory Track Infection. Ko 2017, may una nga kabilugang numero nga 7, 207 ka kaso it mga nahapangot it sapat. Nag-abo eamang raya suno kana bangud nga nakasayod eon makaron ro mga tawo nga libre rong bakuna sa Animal Bite Treatment Center (ABTC) nga halin sa Department of Health (DOH) rason nga maskin hakaeos sanda it kuring hay naga pabakuna gid. Makaron nga buean it Marso ro Rabies Awareness Month nga may temang “Rabies Iwasan, Alaga’y Pabakunahan”. Gina ingganyo gid ro mga pumueoyo nga kon sanda hipangot it ayam ag kuring hay magpabakuna gid para nga matapna ro pag eapnaag it rabies.

Facebook Comments