CAUAYAN CITY- Gaganapin na ang mga naipagpaliban na mga aktibidad sa Mengal Festival noong buwan ng Oktubre sa Echague, Isabela.
Matatandaang noong buwan ng Oktubre ay sunud-sunod ang mga kalamidad na humagupit sa lalawigan kung saan napilitang ipagpaliban ang mga nakahandang aktibidad para sa kapistahan ng Mengal Festival.
Ayon sa anunsyo na inilabas ng Local Government of Echague, magaganap sa ika-11 ng Disyembre ang Street Dance Competition, Dance Showdown, Mengal King and Queen Dance Pageant, Mengal Singsation Grand Finals 1, at Fireworks Display.
Habang sa ika-12 ng Disyembre naman ay gaganapin ang Drum and Lyre Competition, Mengal Singsation Grand Finals 2, Awarding, at Fireworks Display.
Kaugnay nito, humihingi naman ng paumanhin ang Lokal na Pamahalaan ng Echague sa mga apektado ng kanselasyon at rescheduling ng mga aktibidad sa Mengal Festival.
