Mga nakatanggap ng 1st dose ng bakuna sa NCR, nasa 100% na!

Umakyat na sa 66.8 million doses ang kabuuang bilang ng COVID-19 vaccines na naiturok na ng pamahalaan sa buong bansa.

Sa bilang na ito, 18.7 million ay naiturok sa National Capital Region (NCR).

Ayon kay Presidential Spokesperson Sec. Harry Roque, 39.51% ng target population sa buong bansa ay fully vaccinated na laban sa virus.

Katumbas ito ng 30.4 million na mga Pilipino.

Samantala, umabot naman sa 1,052,600 ang naitalang daily jabs kahapon, November 10.

Sa Metro Manila naman, 91.10% ng target population sa rehiyon ay fully vaccinated na o katumbas ng 8.9 million na mga Pilipino.

Habang 100% naman ng target population sa rehiyon ang nakatanggap na ng first dose ng bakuna o katumbas yan ng 9.8-M na mga Pilipino.