Mga nakatanggap ng cash assistance sa Caloocan, umabot na sa mahigit 100 libo

Nasa 105,048 na ang mga nakatanggap ng cash assistance sa Caloocan City simula noong April 7 hanggang April 12, 2021.

Sa datos ng lokal na pamahalaan ng lungsod, abot sa 368,925 pamilya ang nakatanggap ng nasabing ayuda.

Ito ay base na rin sa listahan na mula sa Department of Social Welfare and Development Social Amelioration Program list.

Sisikapin ng pamahalaang lungsod na matapos ang pamamahagi ng ayuda sa loob ng 15 araw na deadline na ibinigay ng national government.