[image: Cigarette-Smuggling.jpg]
Human nga gi-ronda sa kapolisan sa siyudad ang pipila ka mga stalls sulod sa central public market tungod sa pagpamaligya og peke ingon man smuggled nga sigarilyo gahapong adlawa nasuta karon nga gikan kini sa ubang nasud.
Mukabat usab ngadto sa kapin kulang usa ka million ka pesos na kantidad sa mga peke ug smuggle nga sigarilyo ang gikumpiska sa General Santos City Police Office sulod sa Central Public Market ug Lagao Public Market.
Ang operasyon pinasikad sa search warrant pirmado ni Judge Oscar Noel Jr. sa pagpanguna ni Police Senior Supt Raul Supiter ang City Police Director sa General Santos City.
Matod kay Senior Superintendent Supiter gikan og nasud Indonesia og Bangladesh ang mga smuggled nga sigarilyo nga ilang nahipos sa pagronda og may mga peke sad nga sigarilyo nga locally produce human nagbalik-balik ang serial number sa produkto.
Dugang ni Supiter nga wala niagi sa Bureau of Customs ang mga smuggled nga sigarilyo ug walay na-impose nga buhis sa maong produkto sa sigarilyo.
Una nang gipangkasuhan sa kapolisan ang nauna nga nadakpan gumikan sa pagpamaligya og mga pekeng produkto sa sigarilyo sa Barangay Fatima.
*For more info’s and updates, like and share our official facebook account : www.facebook.com/ifm91.9Gensanofficial/
