Nahugyaw ang kanhi palao market kun asa nahimutang ang gitawag ug mini market kagahapon sa buntag dihang nahidangat ang mga sakop sa Anti-Littering Task Force aron siradohan ang maong lugar.
Kini tungod sa pagsupak nila sa balaod nga nag-operate bisan walay business permit, building permit ug sanitary permit.
Matud ni Mr. San Ramos kinsa nagdumala sa maong lugar nga walay hustisya ang gibuhat kanila sa kagamhanang lokal sanglit kumpleto man ang mga permits nga ilang gihuptan.
Nakurat nalang sila dihang gi-implementar sa kagamhanang lokal bisan gipresentar na nila ang tanang dokumento nga ilang gihuptan.
Gani bisan ilang mga baligya gidala pa sa mga sakop kinsa nag-implementar sa pagpasirado sa nasangpit nga lugar.
Facebook Comments
