Naglab-ot na sa 27 ang mga napatay sa trahedya sa kadagatan sang Iloilo kag Guimaras sang Sabado nga adlaw, Agosto 3, nga ginalakipan sang MB chi-chi, MB keziah 2 kag MB Jenny Vince.
Nahibaluan, nakit-an sa Dumangas kahapon sang aga ang dugang nga 11 ka bangkay sang mga pasahero nga sakay sa MB Jenny Vince.
Sa 87 ka kabug-usan nga pasahero sang tatlo ka sakayan, 75 ang nakasulat sa manifesto kag 12 ang wala nakalista.
53 naman ang nakasurvive samtang 7 ang nagapabilin nga missing.
Una nga nagkulob ang MB chi-chi kag MB keziah nga magkasunod nga nagbiya sa Parola wharf padulong sa Jordan, Guimaras mga alas 12:15 sang Sabado sang udto kag mga alas 3:35 sang hapon nagkulob man ang MB Jenny Vince nga naghalin sa Buenavista, Guimaras pakadto sa Parola wharf.
Natabu ang trahedya matapos magluntad ang pugada kasunod sang pagbubo sang mabaskog nga ulan kag mabaskog nga hangin.
