TACLOBAN CITY – Nag improve an conviction rate han mga drug related cases
ha bug-os nga Eastern Visayas.
Sumala kan Atty. Erwin Maraya, Regional State Prosecutor, tungod han
Memorandum Of Agreement ha butnga han PNP ngan National Prosecutors Office
in ginpapadali ngan ginpapaniguruhan han mga prosecutor an pagproseso ngan
pagresolbar han mga drug cases ha Sinirangan Bisayas.
Dugang pa ni Maraya, aktibo an Prosecutors Office ha pag retooling ha mga
field operatives pinaagi han pagdumara hin trainings ngan seminar. An
nagigin rason man gud daw ha pagdamo han dismissal failure in mahitungod
nga diri nasusunod an probisyon han section 21 han RA 9165 o an operating
procedures han mga field operatives kun diin nawawarayan hin sadang nga
ibedensya ngan nadi-dismiss an kaso.
Pahimatngon han opisyal nga waray na ginkakaptan nga dagko nga drug related
cases an Regional Prosecutors Office ha Eastern Visayas.
