Davao City- Nitunol na og pasiunang tabang ang lokal nga panggamhanan sa Island Garden City of Samal kaalayon ang City Social Welfare and Development (CSWDO), City of Health Office (CHO), Bureau of Fire and Protection (BFP) ug uban pa ngadto sa mga pamilyang apektado sa sunog sa Purok 10 Jamboree, Baryo Tambo, Babak District, Samal, Davao del Norte.
Sa pakighinabi sa DXDC RMN Davao sa personahe sa Babak Fire Substation, gituohang electrical ignition gikan sa kisame sa usa ka balay ang hinungdan sa maong sunog diin walo ka mga panimalay ang totally damaged ug upat ang partially damaged.
Sumala sa report, nagsugod ang sunog alas 11:40 sa buntag ug gideklarang fire out bandang ala 1:30 sa hapon.
Gipagpasalamat sa mga residente nga gawas sa usa ka natalang minor injury, luwas ang kahimtang sa mga nasunogan ug kasamtangang gipa-evacuate usa sa gym sa Brgy. Tambo.
Gipanawagan usab katong mga aduna’y mga malumong kasingkasing nga buot mutabang nga ipaabot lang kini sa lokal nga panggamhanan o sa Brgy. Tambo mismo aron maapud apod kini sa mga nanginahanglan.
RadyoMaN Ivy Parido
Facebook Comments
