Mga non-essential travel sa Israel, hindi pa rin pinapayagan kahit na nakababa na sa Alert Level 2 ang bansa —Philippine Embassy sa Israel

Hindi pa rin pinapayagan ang non-essential travel papuntang Israel, tulad ng mga biyahe ng mga pilgrims, turista, at mga newly-hired workers.

Ayon sa Philippine Embassy sa Israel, ang pinapayagan lamang ay ang essential travel papuntang Israel tulad ng official visits at business delegations.

Maaari na ring bumalik ang mga Filipino workers na nagbakasyon sa Pilipinas at may valid Overseas Employment Certificate (OEC) at re-entry visa.

Ito’y alinsunod na rin sa rekomendasyon ng Embahada noong June 24 at tuluyan nang ibinaba ng Department of Foreign Affairs (DFA) sa Alert Level 2 ang restriction phase ng Israel.