Guipos, Zamboanga del Sur – Subling gi-agda sa kagamhanan ang mga nahibiling aktibong miembro sa rebeldeng New People’s Army o NPA nga motahan na sa gobierno arun makapahimulos sa gitanyag nga Enhanced Comprehensive Local Integration Program o E-CLIP.
Kini ang giluwatan nga pamahayag ni 53rd Infantry Battalion Commander Lt. Col. Marlowe Patria sa interview sa RMN DXPR Pagadian.
Gidugang ni Patria nga daghan nang mga miyembro sa NPA ang nibalik sa sabakan sa kagamhanan gumikan sa nasinati nga nga kalisod sa kahimtang ug giingong kurapsyon sulod sa kalihukang komunista .
Kabahin niini gipasigarbo ni Patria ang nabatunan nga benipisyo sa nga kanhing relbelde pinasikad sa E-CLIP program sa gobierno diin nahatagan og disente nga panginabuhian bugti sa pagbalik sa kinabuhing sibilyan.
Maisugon usab nga nanaad ang opisyal nga moabot ra ang panahon nga magtagbo ang dalan sa tropa gobierno ug sakop sa NPA ug iyang gipaniguro nga walay maayong sangputan ang mga kaaway.
