Davao City- Gilabanan ni Magdalo Partylist Representative Gary Alejano ang pagbanha sa mga obispo sa katoliko nunot sa EJK sa kampanya kontra droga ni PRRD.
Matud ni Alejano, ang pagtagad sa mga obispo sa pipila ka pulis nga andam mokanta sa ilang nasayran sa giingon nga EJK kana gumikan kay CBCP na lang ang puwede kasaligan ug maduolan.
Gibarugan ni Alejano nga aduna gayo’y nahitabo nga EJK apan gipaagi lang sa anti-drug operation gawas sa paglihok sa riding in tandem nga gapamusil sa mga nalambigit sa droga.
Busa sakto lang daw nga proteksyonan sa simbahang katoliko ang mga pulis nga mosulti sa kasayuran sa EJK sa drug war ni PRRD.
Una nang gi-alegahan ni Justice Secretary Aguirre nga ang pagdangop sa wala pa nganli nga mga pulis sa simbahan kabahin sa distabilisasyon sa Liberal Party batok sa gobyerno karon.
Sagad sa na istorya ni Alejano, pareho mibati og kahadlok sa drug war kay basin kuno nga maapil sila sa listahan sa mga namatay sama sa maglive-in nga gipatay sulod sa balay sa kaulohan.
Ang walay hunong nga pamatay sa giyera kontra droga usa ka konkreto nga basehan aron makaingon kuno ang magbabalaod nga dunay EJK karon.
Gipuna ni Alejano ang kampo ni PRRD sa pasangil nga distabilisasyon nga gipahid kanila tungod lang kay nanaway sila sa sayop nga pamaagi sa pasumpo sa suliran sa droga.
Ang kapait kuno sa gobyerno kay dili makamao modawat og kasaypan sa pagtoo nga sakto na gyod ang tanan nilang ginahimo sa drug war luyo sa pagdaghan sa mga drug offenders nga namatay.
RadyoMan Joel Viray
