Mga Official ballots nga gamiton sa eleksyon, niabot na sa Cagayan de Oro

Miabot na sa Cagayan de Oro ang mga Official Ballots nga gamiton sa Mayo 13, adlaw sa piliay.

Kini ang gikumpirma ni Atty. Ramil Acol, ang supervisor sa City COMELEC diin mokabat kini sa 401 ka mga boxes.

Gikan sa pantalan sa Macabalan, gidala gilayon ang maong mga balota sa usa ka room sa City Treasurer’s Office aron safety ug dili mahilabtan.

Ang maong mga balota ipanghatud sa mga personahe sa City Treasurer’s Office sa matag barangay sa umaabot Mayo 12, bisperas sa eleksyon.

Dugang pa ni Acol nga himoon ang final testing sa vote counting machine sa Mayo 10 pinaagi sa mga magtutudlo.