Muling binalikan ng mga opisyal ng Baclaran at Pasay ang nasabing lungsod para muling isagawa ang clearing operation.
Matatandaang sinuyod at nilinis ng Metropolitan Manila Development Authority o MMDA at ng mayor ng Pasay at Baclaran ang mga lugar kung saan maraming mga vendors ang pumu-pwesto para magtinda, partikular sa mga kalsada sa lungsod.
Kaugnay din ito sa ipinasang 60 days na taning ng Department of the Interior and Local Government o DILG para linisin at alisin sa kanilang lungsod ang mga kalat, basura, maging ang mga sagabal sa daan.
Dahil dito, kanya-kanyang hinaing ang mga vendors na ipinaalis sa lugar.
Ayon sa mga nagtitinda, mawawalan sila ng ikabubuhay kung hindi sila pagbibigyang makapag-tinda.
Ayon sa mga alkalde, hindi naman ‘umano’ sila pinagbabawalang magtinda basta nasa tama at maayos silang nagtitinda.
Sa ngayon, inaayos na nila ang lugar na maaaring paglagyan o paglilipatan ng mga vendors kung saan aabot sa 5,000 mga vendors ang naapektuhan ng nasabing clearing operation.
