Gikalipay pag ayo sa mga opisyales sa barangay Obay, Polanco tungod kay sila ang napili nga resipyante sa medical mission sa RMNI atol kini sa ika 66 na katuig sukad nga nahimugmo ang stasyon, kagahapon Agosto 28, 2018, dili lang kini diri sa Mindanao apan lukop na tibuok nasud sa pilipinas ug adunay pa kini sa gawas sa nasud.
Wala nagdahom si brgy. kapitan Anastacio Bandera nga maka benepisyo ang iyang konstituwente sa kalihukan sa Rmn DXDR Dipolog sa pagpanguna ni SM Edgar Dagumo uban sa iyang mga sakop.
Lakip usab nga nagpasalamat ang katawhan nga apil naka benepisyo sa libreng check-up, tambal, Alot/kurti sa buhok, ug pag donor sa dugo pinaagi sa Philippine Red Cross- Zamboanga del norte Chapter.
Dili lamang medical mission ang gihimo sa RMN DXDR kun dili aduna pud mga kalingawan nga gisalmutan sa mga katawhan sama sa pa contest nga pwedeng makakuha ug papremyo nga pang personal hygiene.
Sa pakighinabi ning inyong tigbalita ngadto sa numero unong brgy. konshela nga si Emelita S. Sagario, bisan paman wala sila ka andan apan nagpasalamat gihapon sila tungod kay nagmalampsuon ang maong kalihukan, ug una matod kadto nga higayon nga adunay naghimo ug medical mission pinaagi sa RMN DXDR.
Nagpasalamat usab si konsehala Sagario sa katawhan nga misanong sa ilang pahibalo aron pahimuslan ang maong talagsaon nga kalihukan, nanghinaot usab siya nga dili matagam ang DXDR ug adunay pa’y lain medical mission sa umaabot nga mga tuig.
Samtang gisiguro usab ni SM Edgar Dagumo nga dili lang kini ang unang higayon nga medical mission sa Obay apan aduna pa’y lain sa moabot nga mga katuigan tungod kay ang RMN DXDR Dipolog dili lamang sa kahanginan mohatod ug serbisyo kundili lakip na ang pag adto sa inyong tag-tagsa ka mga dapit.
