Mga oppositor sang Jalaur dam byaheng Korea agud magkuha sang suporta

126

ILOILO City – Wala pa natapos ang away para sa mga grupo nga nagapamatok sa Jalaur River Multipurpose Project (JRMP) phase 2.

Suno kay John Ian Alenciaga campaign coordinator sang Jalaur River for the People’s Movement ukon JRPM magabyahe sila sa Korea agud magtipon sang suporta gikan sa mga Koreans nga nagapamatok sa proyekto.

Ginpahayag sang lider sang mga tumandok nga nagapamatok sa proyekto ipahibalo nila sa mga Koreans nga ginagasto ang ila kwarta sa proyekto nga indi man makabenepisyo sa mga pumuluyo.

Sang nagligad nga bulan gin-announce na ni Senator Franklin Drilon nga magasugod na ang proyekto sa bulan sang Hunyo matapos magdaug ang contractor nga Daewoo Engineering and Construction.

Ginpondohan ang P11.2 billion project sang Korean Exim Bank.

Patindugon ang proyekto sa banwa sang Calinog kag magahatag sang irigasyon sa linibo kaektariya sang duta kag 85,000 ka cubic meter sang potable water kag 4 megawatts nga hydro power plant.

Photo from web

Facebook Comments