![LECHON](https://i0.wp.com/rmn.ph/wp-content/uploads/2018/12/LECHON.jpg?resize=696%2C448&ssl=1)
Nalalapit na ang pagsapit ng bagong taon sa ating bansa kung kaya’t abala na naman tayong mga Pilipino sa mga pagkaing ihahanda na siyang pagsasalu-saluhan ng ating pamilya. Simple man o magarbo ang mga pagkaing nasa hapag-kainan, ang mahalaga’y magkakasama-sama ang bawat isang bahagi ng pamilyang Pilipino sa pagsalubong ng bagong taon.
Hindi pahuhuli ang mga putaheng Pinoy tuwing sasapit ang medya noche o paghahanda ng mga pagkain sa hatinggabi na sumisimbolo ng pag-asa sa kasaganahan sa pagsapit ng bagong taon. Narito ang ilan sa mga putaheng Pinoy na tiyak magugustuhan ng inyong pamilya, kaibigan at mahal sa buhay.
Barbeque (BBQ)
![](https://i0.wp.com/rmn.ph/wp-content/uploads/2018/12/BBQ.jpg?resize=500%2C333&ssl=1)
Sa kahit ano mang okasyon, hinding-hindi mawawala ang inihaw sa hinahanda ng mga Pinoy. Bukod sa masarap na pagkakamarinado nito, mura pa ang mga rekado.
Macaroni/Fruit Salad
![](https://i0.wp.com/rmn.ph/wp-content/uploads/2018/12/Macaroni-Salad.jpg?resize=491%2C368&ssl=1)
Hindi nawawala bilang panghimagas ang macaroni/fruit salad tuwing handaan. May dalawang klase ng macaroni salad: maasim at matamis. Kung minsan pa ay pinaghahalo ang fruit cocktail at macaroni.
Leche Flan
![](https://i0.wp.com/rmn.ph/wp-content/uploads/2018/12/LECHE-FLAN.jpg?resize=508%2C286&ssl=1)
Hindi maikakaila nating mga Pilipino ang pagkahumaling natin sa mga matatamis na pagkain tulad nitong Leche Flan.
12 Bilog na Prutas
![](https://i0.wp.com/rmn.ph/wp-content/uploads/2018/12/12-FRUITS.jpg?resize=507%2C340&ssl=1)
Ang paghahanda ng 12 bilog na prutas tuwing sasapit ang bagong taon ay simbolo sa labindalawang (12) buwan sa kalendaryo na magbibigay ng kasaganahan sa pamilya.
Lechon
![](https://i0.wp.com/rmn.ph/wp-content/uploads/2018/12/LECHON.jpg?resize=504%2C324&ssl=1)
Paboritong putahe ng mga Pilipino na inihahanda rin sa ibang okasyon tulad ng pista, birthday atbp.
Article written by Albert Verano Volfango