Roxas City, Capiz- Natapos na sang composite team nga ginapamunoan sang CDRRMO ang validation sang ginsumiter nga listahan sang mga totally damaged nga poluy-an bangud sa Bagyo Ursula nga nagpanalasa sang nakaligad nga Disyembre 2019.
Sa kabug-osan nga 6, 878 ka mga poluy-an, naglab-ot lamang sa 6, 477 ka mga panimalay ang nadiskubrehan nga totally damaged sang ginpatigayon ang validation.
Ginpahayag ni LDRRM Officer IV Dinnes Saneo, nga ginpakamaayo sang lokal nga pangulohan sang syudad nga sa baylo cash assistance, galvanized iron ukon GI sheets na lamang ang igahatag sa mga pamilya nga totally damaged ang panimalay.
Iya nga ginpunto nga indi na sakop sang LGU ang paghatag sang Emergency Shelter Assistance(ESA) indi kapareho sang nakaligad nga mga tinuig.
photo(c) – owner
