Mga Pantiyon sa Brgy. San Pedro, Surigao City tagbuslutan, tagkawat an mga bukog ug tuway-tuway sa patay. Sa sumbong na tagpaabot ni Brgy. Kapitan Edgardo Gulfo nan Brgy. San Pedro, bana-bana 10 ka pantiyon an tagbuslutan, lakip tagkawat an mga bukog sanan tuway-tuway sa patay. Tagtuohan na gamiton an mga bukog isip anting-anting. An mga suspek an matud pa 4 ka tawo na nagsakay sa pumpboat, human sa pagkuha sa mga bukog an miikyas dajon sakay balik sa pumpboat sa waya pa matino na direksiyon. Tagbana-bana na nahitabo ini alas 3:00 nan hapon kagahapon.
Facebook Comments
