Mga parag uma nag away, usa patay

263

Usa patay matapos nga magtigbasay an duha nga parag uma ha Sitio Purihay Brgy. Dapdap ha Alang Alang Leyte.
Ha pakipagsumpayan han RMN Tacloban ha Alang Alang Police Station, ginkilala an biktima nga napatay nga hi Roger Piador Abadines, 50 anyos.
An suspek naman in ginkilala nga hi Ronelo Baldesco Ayo, 52 anyos ngan pareho nga residente ha nasabi nga lugar.
Base ha inisyal nga imbistigasyon han mga otoridad, personal nga motibo an away han duduha. Nakada ha sakob han ira panimalay an biktima ngan sinulong an suspek nga naka inom ngan gin aayat hi Abadines hin away. Ginpaninigbas han suspek gamit hin sundang an biktima.
Samad ha li-og ngan ulo nga parte an biktima rason han pagkamatay hini.
Nadakob ngan naaresto naman an suspek nga nakapaslak na yana ha Alang Alang PNP. Homicide an aatubangon nga kaso han suspek

Facebook Comments