Mga pasahero sa bus nga nahulog sa creek sa marilog luwas na

Davao City – Nakarekober na ang kapin 30 ka mga pasahero sa Rural Transit Bus padulong sa Cagayan De Oro City, adunay plate number ABG 2887 nga gimaniho ni Vallespine Mark Wency Blanco, 42 anyos, taga Gastay Basilan, North Cotabato, human nahulog sa creek daplin sa dalan sa Sitio Lagdik, Upper Kibalang, Brgy.Marilog, Davao City, niadtong Sabado ala 1:10 sa hapon Hulyo 22, 2023.

Sa interbyu sa DXDC RMN Davao kang Police Captain Ruel Dionela, Deputy Chief Marilog Police Station gibutyag niini, gilikayan matud pa sa bus ang wing ban nga nag-overtake sa usa ka tricycle, hinungdang nawad-an sa control ang bus og nahulog sa creek.

Segun ni Dionela, sa 33 ka mga pasahero lima ang nakaangkon og minor injuries nga mao sila Gellespie William James, 67 anyos, taga-Kauswagan, Cagayan De Oro City, Nemesia Fabre Gillespie, 62 anyos, residente sa nasampit nga lugar, Gasper Gloria Pulong, 79 anyos, residente sa Pag-asa, Tagum City, Garcia Alicia Gasper, 55 anyos, taga-Lipa City, Batangas ug Nelle Grafe 24 anyos, residente sa Brgy.Tibungco, syudad sa Davao.

Dugang sa opisyal, sa lima ka pasahero nga na-angol, usa lang ka pasahero ang gidala sa Southern Philippines Medical Center (SPMC) og gi-abaga na ang gasto niini sa kompanya sa bus.

RadyoMaN Don Pulayao