Pagadian City – Padayon ang pagdagsa ug pag-abot sa mga pasahero sa nagkadaiyang terminal sa bus sa syudad sa pagadian partikular sa Integrated Bus Terminal aron pagsa-ulog og pagsugat bag-ong tuig.
Daghang mga pasahero ang nagtapok sa terminal apan padayun usab ang pag-abot sa mga bus para paingon sa silingang syudad ug probinsya.
Kadaghanan sa mga pasahero dunay mga kaubang mga bata gani ang uban dunay bitbit nga gamit og pangregalo.
Gipahibalo usab sa kadumalahan sa IBT ning syudad nga karung petsa 31 sa kasamtangan nga bulan alas 4:30 sa hapon ang last trip paingon sa Cagayan de Oro samtang alas 5:30 sa hapon usab alang sa mga mobiyahe sa Iligan City.
Sa petsa uno (1) sa enero alas 10:00 sa buntag ang katapusang biyahe paingon sa CDO.
