Nanawagan karon ang Department of Health Region 10 ngadto sa mga pasahero nga nakasakay sa upat ka mga flight nga mitugpa sa Laguindingan Airport nga mo-report ngadto sa ilang matag rural health unit o RHU.
Kini ang mga mosunod:
-PR 4525 sa Philippine Airlines, nga mitugpa alas-8:00 sa gabii niadtong Mayo 28;
-PR 4519 sa Philippine Airlines, nga mitugpa ala-una sa kadlawon niadtong Mayo 31;
-Z2 691 sa Air Asia, nga mitugpa alas-9:00 sa buntag niadtong Hunyo 6; ug
-Z2 8693 sa Air Asia, nga mitugpa alas-12:00 sa udto niadtong Hunyo 6. Nagpahigayon og contact tracing ang DOH tungod sa daghang mga locally-stranded individual nga naka-uli sa Mindanao, labina sa Lanao del Sur ug Marawi City nga nag-positibo sa virus.
Sa mga nakadungog ning balita, gihangyo sa DOH nga mo-coordinate sa ilang RHU o mahimong motext or motawag sa Emergency Operations Center sa DOH-10 sa mga numero nga 0926-927-9913; 0967-394-9574; 0965-058-7888; 0967-773-1208 o kaha sa 0908-348-5643. (Divina M. Suson, June 12)
