Ginpasalig ni DOH-6 Regional Director Dr. Marlyn Convocar nga magapaguwa siya sang direktiba sa Government Hospitals sa siyudad sang Iloilo nga indi dapat pagbalibaran ang mga pasyente sang dengue nga gina-refer diri sa siyudad.
Ini ang ginpahayag ni Convocar matapos ginpalab-ot sa iya igtalupangod nga wala ginabaton sang Western Visayas Medical Center ang pasyente nga may dengue nga gina-refer gikan sa mga ospital sa probinsya.
Suno kay Dr. Convocar nga indi dapat balibaran ang mga pasyente sang dengue ilabi na kon manubo na ang platelet count sang pasyente.
Nahibaluan nga naghiwat sang dialogue angut sa Dengue ang DOH sa pagpanguna ni Health Secretary Francisco Duque III upod sa mga alkalde kag gobernador sa Western Visayas bangud sa mataas nga kaso sang dengue diri sa rehiyon 6.
