Binigyang diin ni Bicol Saro Partylist Rep. Terry Ridon na kahit isumpa siya ni Rep. Eddie Villanueva ay baka makulong talaga ang anak nito na si Senator Joel Villanueva.
Katwiran ni Ridon, dawit umano sa maanumalyang flood control projects si Senator Villanueva.
Sabi ni Ridon, base ito sa sworn affidavit at testimonya sa Senate Blue Ribbon Committee hearing ng mga dating opisyal ng Department of Public Works and Highways (DPWH) na sina Henry Alcantara, Brice Hernandez at Usec. Roberto Bernardo.
Giit ni Ridon, maraming dapat ipaliwanag si Senator Villanueva para malinawan kung totoo bang tumanggap ito ng multi milyong halaga ng kickback mula sa pondong nakalaan sa flood control project.
Facebook Comments
