NEGROS OCCIDENTAL – Ginbaha ang pila ka mga patyo sa ciudad sang Bacolod kag pila ka bahin sang probinsya sang Negros Occidental bangud man sang pagtupa sang ulan durante ginasaulog ang Tigkalalag.
Kalakip sa ginbaha amo ang pila ka bahin sang Cadiz City Catholic Cemetery kon diin naglab-ot tubtub sa idalum nga batiis ang dalum sang tubig subong man sa pila ka parte sang San Enrique Public Cemetery.
Samtang diri sa Bacolod, nag-clog naman ang tubig sa pila ka portion sang Bacolod Public Cemetery kag Bacolod Catholic Cemetery.
Naglunang naman ang daku nga bahin sang Handumanan Public Cemetery diri sa ciudad kasunod nga indi sementado ang footwalk nga gin-agyan sang mga pumuluyo nga nagdagsa sa amo nga patyo kahapon.
Sa pihak nga bahin, may pila naman ka pumuluyo nga gin-gamit ang kahigayunan agud mag negosyo, may nagtanyag sang tubig nga mahinawan sang kamot sa bayad nga 5 ka pesos kag may nagtanyag man sang “pangtu-ob” sa sukot naman nga piso./dyHB BACOLOD
