TACLOBAN CITY – Nakompiska han Bureau Of Customs pinaagi hin operasyon an P385.2 million nga kantidad han mga peke nga sigarilyo, fake tax stamps, imported raw materials ngan mga makinarya ha usa nga bodega ha Barangay Bagacay kakulop, February 6, 2019.
Sumala kan Port of Tacloban District Collector Jose Naig, nakompiska nira an 1,500 cartons o P96 million nga kantidad han peke nga sigarilyo, 12 machines nga nagkakantidad hin P180 million ngan P62.2 million nga kantidad hin fake stamps.
Siring han opisyal, gin-aaligar gintatag-iyahan han Chinese nationals an bodega, ira ginmanmanan duha kasemana antis dumaraon an operasyon.
An mga machines in nakakahimo hin 600 master cases hin sigarilyo kada adlaw.
Sumala han brand owner nga waray na magpakilala ha media, mga peke an mga sigarilyo nga nakompiska ha nasabi nga bodega. Diri nira igintutugot nga magkamayada hin manufacturer ha gawas han Luzon an ira brand.
Ginpailarom ha test an mga tax stamps nga mayada serial numbers ngan nagawas nga peke an mga nasabi nga stamps.
Dugang ha pamayag ni Naig, posible nga ginbabaligaya an mga nasabi nga peke nga sigarilyo diri la ha Tacloban kundi pati na ha iba nga lugar.
