Monton del mga vivientes que chene mga ta quida perro el ya participa enantes aga na annual “Pet Parade and Blessing” que ya conduci na Jardin Maria Clara, Pasonanca.
Mismo el alcalde Beng Climaco-Salazar quien chene Tambien cuantos perro ta quida amo ya encaveza con el mensyonao actividad junto con losdemas vivientes que ta ama y ta considera con el mga perro como parte ya del diila mismo familia.
Asegun con el City Veterinarian Dr. Mario Ariola, este actividad que ta encaveza el su ofisina chene el intention para manda accorda con el mga vivientes el importancia del mga animal na vida del gente y si cosa ba el diila poder na sosiedad.
Durante el mensyonao ocaccion, ya chene tambien dalida de award y premyo con el mga perro y duenyo quien sa sale victoriozo na cuantos categoria. *– Bhong Simbajon/RMN News*
