Mga Pilipinong virologist, gustong maging bahagi ng Virology Institute – DOST

38

Naghayag na ng interes ang ilang Pilipinong virologist na nag-aral abroad na maging bahagi ng itatatag na Virology Science and Technology Institute of the Philippines.

Ayon kay Department of Science and Technology (DOST) Undersecretary for Research and Development Rowena Cristina Guevarra, nakakatanggap siya ng mga email kung saan ilang Pilipinong virologist ay nagboboluntaryong maging bahagi ng Virology Institute.


Nais ng mga Pinoy virologist na makapagsilbi sa bayan.

Karamihan sa mga Filipino virologist ay ‘foreign trained’ dahil sa Master of Science and Doctor of Philosophy degrees na hindi pa iniaalok dito sa bansa.

Ang Pilipinas aniya ay may maraming virologist para sa halaman at hayop, pero kakaunti pa lamang ang mga virologist na para sa mga tao.

Ang pagtatatag ng Virology Institute ay makatutulong sa bansa na maghanda sa mga susunod pang pandemya.



Facebook Comments