Mga Pinoy sa Egypt, pinag-iingat na rin sa harap ng mga demonstrasyon

Pinag-iingat ng Philippine Embassy sa Egypt ang mga Pilipino roon sa harap ng mga nagaganap na demonstrasyon sa Egypt.

Sa gitna ito ng bakbakan sa pagitan ng Israel at Hamas militant group.

Base sa abiso ng embahada, posibleng maging serye ang mga demonstrasyon sa Egypt kaya dapat na iwasan ng OFWs na magtungo sa mga nagmamartsa.

Pinapayuhan din ang mga Pinoy roon na iwasan munang lumabas kung hindi naman kinakailangan.