Mga police station gipahimangnoan nga dili mag-relax ilawom sa heightened alert status sa PNP

26

Gipailawom sa Philippine National Police (PNP) sa heightened alert status human ang nahitabong kambal nga pagbusikad sa Mount Carmel Cathedral sa Jolo, Sulu, kaniadtong Dominggo.

Sa interview sa RMN Malaybalay ngadto kang Bukidnon Provincial Police Office Spokesperson Pol/Senior Inspector Jiselle Longakit gibutyag niini nga epektibo ang deklarasyon sa heightened alert status 12:01 kagahapon sa buntag.

Matud ni Longakit nga ang deklarasyon aron masiguro nga walay susamang pagpang-atake sa Sulu.

Sa ilawom sa heightened alert, gipahinumdom sa police regional director nga kinahanglan mahimong security conscious, dili mag-relax ug dili ikompromiso ang seguridad.

Gipahinumduman usab ang mga local chief of police nga pakusgan ang seguridad sa mga police station ug pakusgan ang mga checkpoint operations ilabina sa mga borders areas ug hingusgan ang intelligence gathering kaabag ang AFP.

Samtang gipahayag usab ni Lt. Tere Ingente Cansancio, ang hepe sa division public affairs office sa 4th ID, nga hugot usab nila nga pagmonitor sa seguridad sa rehiyon.

Sa karon wala usay hulga sa terorismo sa Northern Mindanao. Nangayo usab ug suporta ang 4th ID sa publiko pinaagi sa pagsumbong kanila kung adunay mga kadudahang butang o tawo sa palibot.

Facebook Comments