Pagadian City – Laraw karon sa lokal nga pangangamhanan sa dakbayan sa Pagadian nga itapok sa duha ka terminals ang mga pamasaheroang bus ug van nga nanukad sa syudad aron mahapsay ang dagan sa trapiko sa sentrong bahin sa Pagadian.
Sumala ni Pagadian City Mayor Sammy Co, kasamtangan nga gipanday sa konseho ang ordinansa nga magmando nga ibutang sa duha lang ka pwesto ang tanang pamaseheroang sakyanan nga anaa sa syudad nga karon nagsanta-iyahay og plastar sa lain-laing terminals.
Sigon ni Co, plano nilang himoong Integrated Bus Terminal – kun IBT Annex ang dakong lugar sa Santa Lucia partikyular sa atubangan sa palasyo.
Gidugang pa sa Mayor nga kun matapos na ang pagtukod sa IBT- Annex duha lang ka terminals ang itugot base usab sa ipasar nga odinansa sa konseho, mao ang terminal sa IBT nga anaa sa Brgy. Bulatok kun asa didto mangalokta og pasahero ang mga nagbyahe pagawas sa probinsya sa Zamboanga del Sur ug ang IBT Annex didto unya magtapok ang mga van ug bus nga mohatod og pasahero sulod sa probinsya.
