MGA PRIVATE HOSPITALS, GINSAPOL NI GOVERNOR DEFENSOR AGUD HIBALUON ANG KAPASIDAD SA PAG-AKOMODAR SANG COVID PATIENTS PANANGLITAN MAGLALA ANG SITWASYON.

Ginpangayuan ni Governor Arthur Defensor Jr. sang commitment ang mga Pribado nga Ospital sa siyudad sang Iloilo kon pila ang sarang nila maakomodar nga pasyente sang COVID-19 pananglitan maglala ang sitwasyon,

Ini bilang kabahin sang pagpanghanda sang probinsya sang Iloilo batuk sa paglapta sang coronavirus Disease.

Suno sa Gobernador nga nagpangayo sang tubtub Lunes nga adlaw ang tagdumalahan sang mga Private Hospitals agud maghatag sang ila commitment sa pag-akomodar sang COVID patients.

Nahibaluan nga ginahimo sang Gobernador ang tanan nga tikang agud mahandaan ang worse case scenario nga mahimo matabu sa paglapta sang nasambit nga balatian.