Gireklamo sa usa ka ginang ang mga sakop sa Drug Enforcement Unit (DEU)sa Cebu City Police Office nga giingong nanguha ug dul-an sa usa ka milyon ka pesos nga balor sa salapi ug alahas atol sa gihimo nila nga anti-illegal drug operation .
Ang nireklamo mao ang inahan sa dinakpan sa mga taga DEU nga si Orpheus Pangilinan 26 , niadtong Miyerkoles sa gabii sa sitio Romblon Barangay Inayawan sa syudad sa Sugbu .
Si Pangilinan atol sa pagkasikop niini nakuhaan ug shabu nga balor ug P2.8 milyon nga giingong gikan sa bilangguan sa dakbayan sa Mandaue.
Apan matud sa iyang inahan nga si Edorne Pangilinan , usa ka negosyante gikuha sa duha ka polis ang tunga sa milyon ka pesos nga iyang gihatag sa iyang anak nga alang sa manokan niini sa Carcar.
Gawas niini nipasangil ang ginang nga gikuha usab sa mga pulis ang mahalong celphone ug alahas niini .
Subay niini ang hepe sa City Intelligence Branch nga si Supt. Christopher Navida namahayag nga andam nilang atubangon kung pasakaan gyud sila ug reklamo sa maong ginang.
