Davao City – Buot nga ipabalhin ni Davao City Police Office Head PSSUPT Alexander Tagum ngadto sa Police Regional Office XI ang duha ka mga pulis kinsa natangtang sa pwesto tungod sa pagpangulata og menor de edad.
Gibutyag ni Tagum, gikatakda nga karong semana ma-turn over ang mga pulis nga sila PO1 Jeobani Natividad ug PO1 Jesre Masinading samtang nagpadayon sila sa pagatubang sa ilang mga kaso.
Tungod sa maong panghitabo sugod kagahapong adlawa gipailawom ang mga personahe sa DCPO ug child friendly seminar aron matudluan sila sa hustong pagtratar sa mga children in conflict with the law kun CICL.
Subling gipasidad-an ni Tagum ang tanang pulis sa DCPO nga dili mangabusar inay dapat ang DCPO mahimong modelo sa pagprotekta sa katawhan ug resputuhon gayod ang tawhanong katungod.
RadyoMaN Aimee Guinita
