Gipaubos sa kinalit nga drug test ang dul-an 70 ka mga pulis nga na-assign sa Drug Enforcement Unit sa 11 ka mga police stations ubos sa Cebu City Police Office (CCPO).
Ang hepe sa CCPO nga si Sr. Supt . Joel Doria nipatawag alang sa flag raising ceremony ug miting kaganinang buntag sa mga sakop sa DEU didto sa iyang buhatan , apan gijkalitan diay sila ug drug test.
Matud ni Doria nga kapin 80 ka pulis ang mga sakop sa DEU , apan 70 lang nila ang nakatunga sa tigum tungod kay ang uban absent ug nag-official leave.
Pasidaan ni Doria nga ipaubos sa summary hearing procedure ang mapositibo sa drug test ug dismissal proceedings kung mapositibo sa confirmatory testing .
Niadtong Enero 29 dul-an sa 100 ka mga pulis nga sakop sa Regional Special Operations Group , Lapulapu City Police Office ug Carbon Police Station ang gipaubos sa drug test , diin duha nila ang napositibo .
Matud ni Doria tuyo sa pagpaubos sa drug test sa DEU mao ang pagsiguro nga way bisan usa nila nga tiggamitan ug drugas tungod kay sila ang tigpatuman sa kampanya sa kapolisan batok sa ilegal nga drugas .
