Iniutos ni Philippine National Police Chief Police Gen. Guillermo Eleazar sa mga unit commanders na tiyaking may sapat na pwersa ang mga pulis sa mga terminal at pantalan.
Ito ay sa harap nang inaasahang pagdagsa ng tao na patungo sa iba’t ibang lalawigan para sa Undas.
Ayon sa PNP chief, sa kabila ng pandemya, marami pa rin ang magsisiuwian sa mga lalawigan para makasama ang kanilang mga pamilya at kamag-anak sa panahong ito.
Dagdag pa ng opisyal, tiyaking kumpleto ang mga dokumento para makaiwas sa aberya pagdating sa mga destinasyon.
Huwag na rin aniyang magpumilit na bumisita sa mga sementeryo dahil sarado ang mga ito hanggang Nobyembre 2.
Facebook Comments
