𝗠𝗚𝗔 𝗣𝗨𝗩 𝗗𝗥𝗜𝗩𝗘𝗥𝗦 𝗡𝗔 𝗛𝗜𝗡𝗗𝗜 𝗞𝗔𝗕𝗜𝗟𝗔𝗡𝗚 𝗦𝗔 𝗨𝗠𝗜𝗜𝗥𝗔𝗟 𝗡𝗔 𝗣𝗨𝗩 𝗠𝗢𝗗𝗘𝗥𝗡𝗜𝗭𝗔𝗧𝗜𝗢𝗡 𝗣𝗥𝗢𝗚𝗥𝗔𝗠, 𝗠𝗔𝗧𝗨𝗧𝗨𝗟𝗨𝗡𝗚𝗔𝗡 𝗦𝗔 𝗟𝗜𝗩𝗘𝗟𝗜𝗛𝗢𝗢𝗗 𝗣𝗥𝗢𝗚𝗥𝗔𝗠𝗦

Para sa mga Public Utility Vehicle o PUV drivers na hindi kabilang sa umiiral na PUV Modernization Program o mga hindi pumayag na mag-upgrade ng mga minamanehong sasakyan ay makakatanggap pa rin ang mga ito ng tulong pangkabuhayan mula sa pamahalaan.

Kabilang ang Department of Labor and Employment o DOLE at Technical Education and Skills Development Authority o TESDA sa mga ahensyang naghahanda sa pagpapabilang ng mga drivers na hindi tumuloy sa pamamasada ng modernized jeepney sa tutulungan upang maging benepisyaryo ng ilang livelihood programs.

Ang mga operators naman na Dagupan Bound, mangilan-ngilan pa rin sa kanila ang hindi pa kasali sa PUV Modernization at anila na kung tuluyan ng maganap ang jeepney phaseout ay mapipilitan ang mga ito na maghanap ng ibang trabaho.

Isa rin sa maaaring gawin sa mga jeepney na hindi na magagamit, lalo na kung wala na ito sa maayos na kondisyon ay ipa-junkshop daw.

Tiwala naman ang mga drivers at operators sa tulong na maipapaabot ng nasyonal na gobyerno partikular para sa mga titigil na sa pamamasada kasunod ng nagpapatuloy na modernization program. |𝙞𝙛𝙢𝙣𝙚𝙬𝙨