Roxas City, Capiz – Magatililipon sa maabot nga Setyembre 4 ang mga Persons With Disabilities(PWD) sa bilog nga probinsya sang Capiz may kaangut sa selebrasyon sang National Disability Prevention and Rehabilitation Week.
Ini ang ginkumpirmar ni PWD Provincial Federation President Nita Depol kun sa diin balantayan ang pag-showcase sang mga talento sang nagkatuhay nga mga grupo sang PWDs halin sa Roxas City kag 16 ka mga kabanwahanan.
May yara man sang pagabatunon nga mga papremyo balor P15, 000 pesos, P10, 000 pesos, kag P5, 000 pesos para sa mga tagdaog.
Nahibaluan nga base sa record sang Provincial Social Welfare and Development Office, may yara sang kapin sa 7,400 tanan ka mga PWDs ang na-isyuhan sang identification cards kag purchase booklets sang nnakaligad nga tuig.
