May nakita nga mga questionable nga beneficiaries ang Iloilo City Urban Poors Afairs Office ukon ICUPAO.
Suno kay ICUPAO head Mr. Roy Firmeza ini ang ila nakita sa maid-id nga pag-usisa sa mga papeles.
Pasalamat lang si Firmesa bangud may iban nga boluntaryo nga nagbiya sa mga units nga indi para sa ila.
Ini nga mga occupants nakita sa River Plains Subdivision sa Lanit Jaro kag Uswag Subdivision sa Brgy. San Isidro Jaro.
“Maayo lang kay ang iban boluntaryo nga nag-vacate. Tani sundon ta ang kustombre nga kun indi aton, indi na pwede ipahulam, o paarkilahan. Kun indi atun indi ta pagkuhaon,” ang pahayag ni Firmeza.
Pasalig Ni Firmeza, tanan nga indi qualified nga pamilya kakason nila kag butangan sang nagakadapat nga beneficiaries.
