Davao City – Nagpahinumdom ang kapulisan ngadto sa mga progresibong grupo nga sundon gihapon ang balaod ugaling maglusad sila og rally subay sa pagkustodiya sa Davao City Police Office kun DCPO kang Elizalde Tormis Cañete o Ka- Jinggoy, New People’s Army kun NPA Top leader.
Sumala ni DCPO director Police Senior Supt. Alexander Tagum nga adunay katungod ang mga progresibong grupo nga maglusad og lihok protesta human nga giaresto ang nasangpit nga lider apan nagpahimangno siya nga arestuhon ang mga musupak sa gipatumang balaod sa syudad.
“Wala po tayong magagawa dyan kung gusto nila mag rally, they can conduct rally but I would like to warn them na meron pong area allowed for the conduct of rally and yan ay sa freedom park lamang because if they will affect the traffic and affect the local peace and order baka po pwedeng silang maisama sa kulungan kasama ni kumander Jinggoy,” sigun ni Tagum.
Kahinumduman nga gidala niadtong adlawng Martes sa DCPO si Ka Jinggoy kinsa nadakpan samtang nagpatambal niadtong May 12 sa Don Carlos Doctors Hospital sa Bukidnon human napagan sa engkwentro tali sundalo ug NPA sa Kitaotao, Bukidnon.
Nag atubang karon ang maong lider og 12 ka mga kaso sama sa frustrated murder ug murder diin kahinumduman nga siya maoy gitudlong nanguna sa gihimong pagpanunog sa Lapanday Food Corp sa Mandug niadtong miaging tuig nga gikamatay sa usa ka fish vendor nga si Larry Buenafe.
RadyoMaN Renz Barbarona
