Kadam-an sa aton Bes gusto matuman ang love life ukon relationship goals nga gakabasahan sa internet, gakabati-an sa radyo ukon gakalantaw sa TV. Pero sa matuod, kabudlay mangita sang perpekto nga love life, rason nga single pa ang pila sa aton. Hibalu-on ta ang mga posible nga rason kun ngaa single ka pa asta subong.
1. Ikaw ang klase sang tawo nga indi kabalo maghulat. Impatient sa tanan nga bagay pati na sa love life. Madasig ka mag-give up kag dasig ka mairitar kag mapikon sa mga gakatabo sa imo nangin karelasyon.
2. Kagamo sa imo. Indi ka maintsindihan. Wala ka kahibalo kun ano guid bala ang gusto mo sa isa ka relasyon. Ang feeling nga damo ka sang may ginapangita sa isa ka mangin nobyo ukon nobya.
3. Tamaran ka. Likawan nga mangin kaangay ni Juan Tamad nga mahulat na lang nga mahulog ang bunga sang prutas imbes nga kuhaon niya ini. Seryoso, kun interesado ka sa isa ka tawo, reach out. Kun gusto mo ma-meet si special someone, make it happen by reaching him or her out.
4. Kaugalingon mo lang ang palangga mo. Masyado mo kapalangga ang self mo. Wala man sang malain dira Bes pero likawan ang pagka-self centered bangud suli ini sa prinsipyo nga kinahanglan sa isa ka relasyon.
5. Artehan ka. Taas imo standards. Madamo ka sang mga ‘tani’. Tani gwapo. Tani gwapa. Tani sexy. Tani puti. Tani macho. Tani damo kwarta. Choosy ka Bes. Indi man malain Bes ang maghandum sang imo ideal girl or ideal guy. Antis kita mangita sang perpekto, lantawon ta una ang aton kaugalingon kun sin-o kita. Basi sa sini pa lang, matun-an naton nga nobody is perfect, amo na nga likawan ang pagka-perfectionist.
6. Wala ka pa ka-move on from your past relationship. Asta subong, ga-asa ka gihapon nga basi pa lang mag-text siya. Nga basi pa lang ma-chat siya una sa imo. Nga basi pa lang magbalikanay kamo. Bisan nalipay na siya upod ang bag-o niya, ikaw naman gapaka-single bangud gapati ka nga kamo gid ya nga duha.
7. Busy sa career/studies. Amo gid ini ang masami nga rason mo sa ti-on nga pamangkuton ka sang mga office mates ukon classmates mo kun ngaa single ka pa. Busy sa studies eh, indi gani busy sa career. Maayo man ina para pag-abot sang ‘right person’ para sa imo, preparado ka na.
8. Gusto mo pa ma-enjoy ang life bilang isa ka single. Madamo ka sang plano sa kabuhi mo nga bisan wala ka nobyo/nobya, ma-enjoy ka ya una.
9. Indi ka pasugtan sang pamilya mo. Strict si parents Bes eh. Bisan nga crush na crush na crush mo na gid siya kag crush na crush na crush niya man ka, wala kamo may mahimo kay isog gid ya si papa mo. Priorities kuno hambal ni mama mo. XD
10. Kag last, basi wala lang gid ya may naluyag sa imo.
Ikaw Bes, ngaa single ka? Comment below.
————————–
Like our official Facebook page: www.facebook.com/ifmbacolod943
